موقع الشعراء العرب ، قصائد ، وابيات شعرية لشعراء السعودية والكويت والامارات والبحرين وقطر وعمان والخليج العربي وجميع الشعراء العرب
ياعم .. يالعيـاااار .. يابـو دلامـه..
ليتك تعيش تشاهـد أوضاعنـا الحيـن
تضحـك علينـا ليـن يـوم القيامـه
صاحيـن … لكـن عدنـا مستلجيـن
نركض ورى الدنيا ركيـض النعامـه
وعند الشدايد ندفـن الـراس بالطيـن
لاقلت مسلـم .. قيـل يعنـي أسامـه
أصبح أسامه رمز يوصف بـه الديـن
هـم مـادرو بأنّـا وصلنـا الرخامـه
أخبارنـا صـارت سخافـة عناويـن
( التوت .. يغتال الكرز في منامـه )
( صياف شن الحرب مع تركي الفين )
( بسكال تسرق لحن .. راغب علامه)
فاصـل غنائـي … آه ياليـل ياعيـن
نعـود للموجـز … نقـول بختامـه
هذا خبر عاجـل ورد مـن فلسطيـن
الدوخـي يعلـن للهلال انظمامـه ..
عفواً خبرنا صار مومن فلسطين!!
شكراً .. لكل واحد عطانـا اهتمامـه
نعود معكـم لأغنيـة ..ياليـل ياعيـن
شفتو شكثر هالغرب يخطـيء كلامـه
شفتـو شكثـر حنـا غدينـا سخيفيـن
شفتو شكثر قاسـي علينـا اتهامـه ..
يحسبنا كل ليلـه سهـارى مصليـن!!
مايدري انـا حـول (فاتـن حمامـه)
نوصف جمال عيونهـا .. والفساتيـن
ولاهي غريبه .. قبلنا أهـل العمامـه
شيابنـا بغمـزة ( سميـرا ) موليـن
أريـام .. أم الغنـج .. والإبتسـامـه
صـارت قضيـه مشغلـه هالملاييـن
تدرون عاد … المشكله مـو اسامـه
ولاهـو اعجـاب العـرب بالمغنيـن
المشكلـه أكبـر وأكثـر .. ضخامـه
المشكلـه … حنـا بليـا مضامـيـن
أرخص ماعند اليعربـي .. إحترامـه
قلي شلون أعطيـك الاثبـات هالحيـن
عطه ( الطراق ) .. يقول حب وكرامه
ثنّ (الطراق ) .. يقول أهلين وسهليـن
وتقول لي ( بغـداد ) راحـت ندامـه
ياخيّ جاني علمهـا عـام ( تسعيـن )
ماهـي غريبـه لافقدنـا الزعامـه ..
بس المصيبه نفخر بحرب .. حطيـن
بعنا الكرامـه .. وأشترينـا السلامـه
نبي نفوز بشي .. فزنـا بـولا شيـن
هم وهمونا أن السـلام ( الحمامـه )
صرنا حمايم .. بس صـارو شياهيـن
يكـادو هالإنسـان يفـجـر أمـامَـه
من كثر مايسأل .. متى نوفي الديـن؟!
تظهـر علامـه .. وأتخفـى علامـه
ملائكـه تقفـي .. وتقبـل شياطـيـن
ومن قال لك توه … زمـان القيامـه
قله طريق الشام .. سـووه سيديـن
شيلة ( وسمه بإسمك ) للخطير ابراهيم الرشود ( خطييييييييرة (
واذا جــرح انـولـــد بـي خــذه .. داوه
وسـمـه بإسـمك ومابي سـمـــاوه !!
خـذه وارحــل معه .. مابي أشــوفه
ولامـنـه كـبـر بالـحــزن .. خـــاوه !!
مدامـه منك .. أنا بأرميـه وأمـشـي
ومـر الـدمــع في ريـقـي حـــــــلاوه
عُـمُـر .. وآنـا احـسـب اني بـحــبــك
قــوي .. وانت إتـظــاهر بالقـسـاوه
إلـيـن الله قـســـم لك هالـتـمــادي
عشـان أصحى و أشـقق هالغـشـاوه
ياظالم .. كنت تجرحني وانا اسكت
واقول إسكت وخذ جرحك وداوه .. !
لا قـلـت إنْـك بـتـروح آقــول طـيـب
وانا وأطـيـب صـبـر فـيـنـي عــداوه
ياعـنـك آنا اشـهد اني كـنـت وافـي
كـثـر ما أقـفـيـت .. وبجـفـني نداوه
أحـبــك .. كـنـت كـلـي لك وأحـبـك
مع إنك كنت تعشقني (فضــاوه) !
عطـاي أعطـيه لك ما انشــدك عنه
وأسـمـي سـيـل طـعـناتك شـقـــاوه
حبيبي كنت .. بس الـيـوم مـــدري
منين آجيب لك إسم .. وسـمــاوه !!
يا صغير السن قدرك طاحة آبراجه
الجرح خلى الصخر ينطق ونطقني
خلاص ما عاد تعنيلي ولا حــاجه
رح جعل ربي يوفقك ويوفقني
من بعد مــاكنت نور العمر وســراجهـ ..
اليوم صرت الظلام اللي يطوقني
عطيتك آكثر من اللي كنت تحتاجه
اسرفت فـ الحب لين الحب وهقني
خــلاص مالي ومال الحب وازعااجه ..
مالي ومال الدروب اللي تضايقني
تعبت اظم البحر واهدي آمواجه
تعبت اجامل واشوف الوقت يسرقني
شكواي للي عليه الضيق وفراجه
اللي اذا شاء يرحمني ويرزقني
اما انت يابو جبين عقد حجاجه
لا عـــاد تسئل علامكـ منت طايقني ..
النــاس كلن على دربه ومنهاجه ..
وانا عن الناس مابه شيء يفرقني ..
الا اني دايم آحب الصدق واواجهـ ..
مخلوووق والله على هالوضع .. خــالقني
حتى رفيقي .. ضمــاد القلب وعــلاجهـ ..
على كــثر ما تمسكت فيه << صدقني .
لو آدري انه مرافقني على حــاجه ..
لـ آمسكه حاجته .. وآقوول فــارقني ..
ياناشدن عن ضيقتي وش بلايه
ماكل ما يطري على البال ينقال
أضيق عاده من خلاي بخلايه
و الصدر فيه من الهواجيس ولوال
مدام نفسي ما تحصل هوايه
يجوز لا سجيت في بعض الاحوال
أقفى وليف الروح داي و دوايه
و بيت الغلاء من بين الاحباب منهال
العام كنت أملك عليه الولايه
ماني بلا ظالم و لاني بختال
و اليوم أنا دونه وهو من ورايه
دارت ليالينا بحسره و غربال
عقب الموده صايرن من عدايه
تبدلت مع الأسف حال في حال
جاني عليه اللي بحث له خفايه
أنا على نيات و إبليس دجال
جاه الخبر عني وصارت جنايه
الله يلعن كل خاين و محتال
وأقفى وليف الروح وأعلن شقايه
وضرب علاقة ماضي الوقت زلزال
ورضيت في ناتج غباي و خطايه
و رجواه عقب اللي جرى مني إهبال
دربه خضر و أنا أتحمل بلايه
أكثر من اللي صار يستاهل الظال
و اللي ذبحني فيه ذكر البدايه
أيام حلوه قبل ما أحصد الأهوال
من له بدايه لازم له نهايه
مكتوب له تجري و لو الزمن طال
عندي يقين العرف ماني بتايه
لكن طمعت بزود عامين و ليال
حتى إلياء منه تقطع رشايه
أكون قد برت كبدي من زلال
حصلت لاكن مالحقت الكفايه
قبل القناعه منه قنعني الفال
قمت أتخبط من عماي بعمايه
تضرب تفاكيري من الجال للجال
مأجور ياقلب طواه إنحدايه
عن صاحب شاله عن الود شيال
و اللي جرح قلبي وضيق مدايه
رسالة جتني عبر خط جوال
خط قرته العين شتت رضايه
أنشهد إنه للهواجيس فعال
بعثر ورق خافي وضيع عزايه
وأثر على جروح عريضات وإطوال
لا يابعد قلبي و منبع غلايه
أنت الوحيد اللي له القلب مدهال
و ماصار صار و لا تفيد الشكايه
غلطه وعدت و السبب مني إهمال
ياللي لك بوسط المعاليق رايه
زرعك بوسط القلب حي ولا زال
قربك سعاداتي و بعدك عنايه
و زعلك سم له مع الدم مدخال
البارحه قطع وريدي بكايه
و جمر الغلاء بين المحاديب شعال
و الجفن عيا يهتني في كرايه
و الفكر في ذكرى لياليك شغال
صار القدر وإنصك باب الهدايه
و أنت الذي بيديك مفتاح الأقفال
أرسلت لك خط يبين هوايه
أبي السموحه و الموده والإقبال
هذا ثمر قلبي تدلى قبل .. يأتي موسمه
مدي يدينك واجمعي فرقاك من عذق العتب
أنا ثملت من الفراق اللي خذا وجهي سمه
شوفي ملامح غيبتك تقرا قبل لاتنكتب
في وجهي الشاحب وفي آهات صدري ونسمه
.في ناضر عيون ٍ هميل الوجد منها ينسكب
يا نور لحظات ٍ غدت من دون وجهك معتمه
وينك؟بدا هذا الحنين بجوف صدري يحتطب
ياحب ٍ إجتاح الضلوع وفج قلبي وقسمه:
نصفي ن..وأزريت اجمع النصفين وغيابك سبب!
حب ٍ بقى لو واقعه مره بحاليه.. صدمه
عشق ٍ حيا رغم العطش في روض روحي معتشب
ليت الغلا ذنب ٍ تجناه الخفوق ويندمه
وليت الصبر جرم ٍ اليا طاولت همي يرتكب!
إلى متى وأنا اهين الوقت وأرجع واحشمه
وأنا على رجم الوصال اشرف.. وأنادي.. وأرتقب
ياأم العيون الفاترات الناجلات المغرمه
يا من رموش عيونها تشكي سبب عكش الهدب
يامبسم ٍ له ضحكة ٍ تنطق بشي ٍ تبهمه
يانبرة ٍ لامن حكت كل المعاني تنقلب
ياللي خذيتي خافقي قبل اعرفك واقدمة
ياللي غيابك لحن ٍ تغنيبه أعواد القصب
عودي على قلب ٍ طواه الهم والشوق هزمه
قلب ٍ معك غنايمه ضاعت ولاادري وش كسب؟
أنا انتهيت وشوقي بصدري بدت له همهمه
جمر انتظاري سَمدت ناره وانا صرت الحطب
حتى ثمر قلبي تدلى قبل ياتي موسمه
هز ي طرف جذعه تساقط لك من عذوقه عتب!
البارحه والجوع مس الذيـب يـوم انـه يعـوي
علـى سنـام طويـق والقمـره وراه بليتـهـا
اخايلـه واقـول واعـزي لحالـك يالـقـوي
اللي تنقـى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي
والعرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا
الجوع لو يدفعك للمـوت الذحـاح المستـوي
حشمت نفسك عـن عظـام الحرجـه وخليتهـا
ودامك طليق(ن) ما قهـرك المعتـدي والمهتـوي
وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجليـه ان خاويتـهـا
عامر خوي الذيب في عصـر الفـوات المنطـوي
وقصتك فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا
يا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي
لكن خطواتـي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا
وقبل يغيـب المنطـق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي
والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي
والهاشميـه فـي طـرف عيـنـي ولا دنيتـهـا
لا جيث ابرثي حالتك ضـاع الكـلام اللغـوي
والمفـردات اللـي تجملـنـي لـيـا عديتـهـا
والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا
واخاف لا تكمـل وينحـاك النزيـف الدمـوي
وابقـى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا
Welcome to WordPress. This is your first post. Edit or delete it, then start blogging!
